Situación:
Entre os arrabaldes e a zona norte de Santa Uxía, na cara interior da ría de Arousa.
Accesos:
Pola Avenida da Coruña (estrada C-550), na entrada ó núcleo urbano en dirección a Riveira,
desvío asfaltado e indicado á man esquerda; e á altura de Palmeira, desvío á man esquerda
cara ó cámping de Coroso.
Características:
Dispón de amplos aparcadoiros, quioscos e establecementos de ocio, área de picnic, aseos e
duchas, posto de vixiancia e salvamento, paseo e carril para bicicletas; 1,8 quilómetros de
lonxitude e 22 metros de anchura media, area branca de grao medio, e excelentes condicións
para o baño - mar en calma, auga a 13/14 Cº. Conta con Bandeira Azul da U.E. Cámping a 10
metros da praia.
Situación:
Fachada atlántica, ó suroeste do concello de Riveira, zona de mar aberto e pertencente á
parroquia de Carreira.
Acceso:
Pola vía principal do Cruce do Vilar a Outeiro, nesta dirección, desvío á man esquerda,
asfaltado e indicado. Logo accédese a través das pasarelas de madeira habilitadas.
Características:
Areal principal (turisticamente) do Parque Dunar, recoñecido coa Bandeira Azul da U.E.; 800
metros de lonxitude, area branca e fina; posto de vixiancia e socorro, área de aparcadoiros,
aseos e duchas, establecemento de ocio, área de merendoiros, condicións aptas para o baño
pero con precaución - ondaxe medio a forte e augas a 13/14 ºC; condicións para a práctica de
surf e windsurf, correntes e resaca forte en fases de baixamar.
Fachada atlántica, ó suroeste do concello de Riveira, zona de mar aberto e pertencente á parroquia de Corrubedo.
Acceso:
Pola estrada de Xarás ó Cruce de Olveira, en dirección a Corrubedo, desvío á man esquerda indicado; ou por Corrubedo, nun desvío a man esquerda entrando na parroquia desde Olveira.
Características:
1,5 quilómetros de lonxitude conforman a parte do esplendoroso areal do Parque Dunar que queda despois do Río do Mar, ata penetrar no Corrubedo semiurbanizado. O quilómetro de duna móbil érguese por detrás desta praia, de area branca e moi fina e unha ondaxe xa máis maina, gracias á curva que o litoral debuxa neste lado. Conta con chiringuito así como coa posibilidade de contemplar un solpor inesquecible, pois está orientada ó oeste, como o resto do quilométrico areal, un dos máis extensos de cantos podemos atopar en Galicia.
Nordeste do concello de Riveira e lindando con Pobra do Caramiñal, en pleno núcleo urbano da parroquia de Palmeira, cara interior da ría de Arousa.
Acceso:
Pola estrada C-550 en dirección Pobra do Caramiñal, desvío asfaltado á man dereita na saída de Palmeira.
Características:
1,5 quilómetros de longo e 16 metros de anchura media, area fina e branca, con áreas de recreo, establecemento de ocio, posto de vixiancia e socorro, condicións apropiadas para o baño - augas tranquilas e 13/14 ºC de temperatura ; zona de fondeo. Cumpre requisitos de bandeira azul.
Situación:
Cara interior da ría de Arousa, chegando á parroquia de Castiñeiras.
Acceso:
Pola estrada de Riveira a Aguiño por Castiñeiras, ó pe da calzada, á man esquerda, visible.
Características:
200 metros de lonxitude, 30 metros de anchura, area branca de grao medio-fino, condicións
apropiadas para o baño - augas tranquilas a 13/14 ºC; a zona é pedregosa. Dispón dun quiosco
para todo tipo de productos de refresco e dun pequeno paseo. As dornas fondeadas preto desta
cala contribúen a darlle un sabor mariñeiro, clave para a gran tradición turística desta
praia.
Situación:
Sur do concello de Riveira, entre Castiñeiras e Aguiño, cara interior da ría de Arousa.
Acceso:
Pola estrada de Riveira a Aguiño por Castiñeiras, nesta dirección, distintos desvíos á man
esquerda, asfaltados e algúns indicados.
Características:
1,2 quilómetros de lonxitude, area fina e branca, con posto de vixiancia e socorro,
establecemento de ocio, aseos e duchas, condicións apropiadas para o baño - augas tranquilas
a 14ºC. A parte norte, preto de Castiñeiras, recibe o nome de O Castro; a zona lindante con
Aguiño coñécese como A Catía.
Situación:
Pequenos areais ubicados ó longo dunha franxa no extremo sur do concello que percorre a
costa esde a punta do peirao de Aguiño e a punta saínte de Couso.
Acceso:
Pola estrada de Aguiño a Carreira pola Graña, en dirección a Carreira, nun desvío asfaltado
e indicado á man esquerda (para ir á de Couso); e indo ata o porto de Aguiño e seguindo un
indicador do Peirao Fenicio que nos levará a xirar á dereita e a poucos metros á esquerda
(para ir á cala de A Covasa).
Características:
Son de escasa lonxitude e anchura, bastante pedregosas e cunha area dourada de grao
medio-groso. Na cala de A Covasa atópase o popular Peirao Fenicio de Aguiño. Pola zona
atópanse outros restos de antigas fábricas de salgado, ou factorías en actual funcionamento.
Isto non impide gozar dunha tranquilidade especial e dunhas augas apropiadas para o baño, a
uns 15 ºC.
